Translate
ترجمة
مطلقة سألوها بعد الطلاق
إيه الدروس اللي أتعلمتيها من التجربة ؟
قالت
عدم التهور و أسمع أكتر ما أتكلم
أسيب دايماً الباب موارب يمكن يكون في فرصة تانيه
أواجه مشاكلي بنفسي و مسمحش لحد التدخل فيها
سؤال
و مين شجعك من أهلك علي طلاقك ؟
*كلهم تقريبا .. مفيش حد فيهم حاول مرة واحدة يقولي حافظي علي بيتك ..
*مفيش حد فهمني إني بخرب بيتي و بضيع مستقبلي و مستقبل أولادنا
سؤال
و أهلك واقفين جمبك دلوقت زي ماكانوا واقفين معاكي وقت الطلاق ؟
*مفيش حد فاضيلي و لا فاضي لأولادي
*أخويا إللي ياما شتم و سب طليقي أتجوز وعايش مع مراته زي الفل ؛ لو يوم هي غضبت يعيط زي العيال علشان ترجعله
*اختي بعد ما أنا اتطلقت ؛ اتعلمت من تجربتي ولو حصل خلاف بينها وبين جوزها تحله في بيتها ..
سؤال
عملتي إيه بفلوس الطلاق والقايمة؟
*كل إللي أحتاج حاجه من أخواتي و أهلي خدوها وباقي القايمة مرميه في مخزن تحت البيت
سؤال : لو طليقك عايز يرجعك لعصمته ممكن ترجعى؟
*انا أتمنى ارجع لكن هو مش ممكن يفكر برجعنى بعد ما أهناه و لف ودار على محاكم الأسرة و بيلعن اليوم اللى اتجوزنى فيه
الخلاصة
أنتي كنتي مجرد حقل تجارب
وليمة وكلهم أكلوا منها و شبعوا وبطونهم اتنفخت بس أنتي هتعيشي وتموتي من الجوع
جوع المشاعر .. جوع الأسرة والبيت المستقر
قدرك أنك تشوفي غيرك مبسوط ومرتاح وأنتي بتتحسري علي حياتك إلي ضيعتيها بإيدك وبإرادتك
الكل بيقولها اتطلقي.. وابتدي من جديد .. والحياة فاتحالك دراعتها
مين قال إن الطلاق حاجة سهلة وبسيطة ومحببة كده؟
مين أصلًا يجرؤ يعطي نصيحة لواحدة ويقولها اتطلقي؟
مين يقدر يشيل وزر قرار انفصال اتنين كانوا سكن لبعض .
ليست هناك تعليقات