الهرش بفتحة الشرج فى الأطفال

Translate

Select Languageاختيار اللغهالآيسلنديةالأذريةالأرديةالأرمنيةالأساميةالإسبانيةالإسبرانتوالإستونيةالأفريقانيةالألبانيةالألمانيةالأمهريةالإنجليزيةالإندونيسيةالأوديا (الأوريا)الأوروميةالأوزبكيةالأوكرانيةالأويغوريةالأيرلنديةالإيطاليةالإيغبوالإيلوكانوالأيماراالإيويالباسكيةالباشتويةالبامباراالبرتغاليةالبلغاريةالبنجابيةالبنغاليةالبوجبوريةالبورميةالبوسنيةالبولنديةالبيلاروسيةالتاميليةالتايلانديةالتتاريةالتركمانيةالتركيةالتسونغاالتشيكيةالتيغرينيةالتيلوغويةالجاليكيةالجاويةالجورانيةالجورجيةالخميريةالخوساالدانمركيةالدوغريةالديفهيةالروسيةالرومانيةالزولوالساموانيةالساندينيزيةالسبيديةالسلوفاكيةالسلوفينيةالسنديةالسنسكريتيةالسنهاليةالسواحيليةالسويديةالسيبيوانيةالسيسوتوالشوناالصربيةالصوماليةالصينية (التقليدية)الصينية (المبسطة)الطاجيكيةالعبريةالغوجاراتيةالغيلية الأسكتلنديةالفارسيةالفرنسيةالفريزيةالفلبينيةالفنلنديةالفيتناميةالقطلونيةالقيرغيزيةالكازاخيةالكردية (السورانية)الكردية (الكرمانجية)الكرواتيةالكناديةالكورسيكيةالكوريةالكونكانيةالكيتشواالكينياروانديةاللاتفيةاللاتينيةاللاوواللغة الكريولية الهايتيةاللوغنديةاللوكسمبورغيةالليتوانيةاللينغالاالماراثيةالمالايالاميةالمالطيّةالماوريةالمايثيليةالمدغشقريةالمقدونيةالملايوالمنغوليةالميتية (المانيبورية)الميزوالنرويجيةالنيباليةالهمونجيةالهنديةالهنغاريةالهوساالهولنديةالويلزيةاليابانيةاليوربايةاليونانيةالييديةتشيتشواتويكريولغة هاواي

تدعمه ترجمة

  الهرش بفتحة الشرج فى الأطفال 

الديدان  الدبوسيه

 ابنك دايماً بيهرش بفتحة الشرج؟؟ بيقولك ياماما فيه نمله🐜🐜؟؟ او فيه حاجة بتقرصنى ورا؟؟ فيه شوكة ? فيه حاجة بتاكلني ?? او دايما حاطط ايده ورا؟؟ الموضوع ده اكتر بالليل؟؟

🌤 الهرش بالشرج له كذا سبب ومحتاج فحص كويس عشان نعرف سبب،، فالأسباب عديدة:-

◀◀ ممكن يكون التهابات جلدية حوالين فتحة الشرج.

◀◀ عدم وجود نظافة شخصية ووجود بقايا براز.

◀◀ ملابس ضيقة وعرق خاصةً صيفاااااااااً.

◀◀ او السبب الأشهر "ديدان دبوسية".

🐉🐛🐌 الديدان الدبوسية (Oxyuris) 🐌🐉🐛

◀ الدوده 🐉🐛 دي رخمة ومعديه جدا وبنشوفها كده عيني عينك في البراز .

◀ هيّ دودة بتعيش فى الجهاز الهضمى للطفل.

◀ الدودة دي عايشة جوة الأمعاء عمّالة تاكل وتقرقض في البطانة بس احنا مش حاسّين, ليه مش حاسّين?! عشان البطانة مفيهاش مستقبلات حس زي اللي فالجلد ،، الدودة دي تيجي بالليل بقي والناس نايمة والطفل في سابع نومة تروح متسحّبة وطالعة بره وأول متوصل الجلد اللي عند فتحة الشرج اللي فيه مستقبلات حس الطفل يروح متألم فجأة "آآه نمله🐜🐝 ياماما ، شوكة ياماما ".

◀ الدودة دي لمّا تطلع بالليل لفتحة الشرج هتعمل ايه? هتروح رامية ليها شوية بيض علي فتحة الشرج عالملابس الداخلية👕👕 وتفضل تسرح شويه ، ولو الطفل بنوته تروح الدودة متسحبّة ورايحة قُدام (فتحة المهبل) ، وتروح داخلة مقرقضة وراميه ليها شوية بيض والبنت يعيني هاتك يا هرش ومتنمش بالليل من الهرش قُدّام وورا.

◀ البيض كده موجود فين?? موجود عالملابس الداخلية وعلي فتحة الشرج وفتحة المهبل تمام? الطفل ييجي يحك ويهرش ورا او قُدّام ، يروح البيض ده داخل تحت الضوافر (اصله بيض صغير جدااااااااً لا يُري بالعين المجرّدة بنشوفه بالميكروسكوب) ، وبعد كده الطفل يروح حاطط ايده في بُقّه وهو بياكل فيفضل يعمل لنفسه عدودة متكررة (auto infection) او يُحطّها لاخواته في الطبق وينقلها لكل افراد البيت وهكذا.

◀ او تنتقل من طفل لاخر عن طريق انتقال البيض من طفل لآخر،، حيث تُنقل تحت اظافر الاطفال وتنتقل الى اى سطح يلامسه ومنه الى كل افراد الاسرة او المدرسة.

◀ تشبه الى حد كبير دود الجبنة الحادقه (المش).

◀ممكن تسبب تبرز لاإرادى ، تبول لا إرادي ، ظهور حكة متكررة وشديدة في منطقة الشرج ، فقدان الشهية ، غثيان، آلام البطن والإسهال ،اضطراب النوم بسبب الحكة والهرش ، ظهور ألم أو طفح أو تهيجات جلدية أخرى حول الشرج.

.. 🌈🌈الوقاية🌈🌈

👁👁 بُصّي يا ست الكل بصي يا مدام ، عشا نبقا متفقين وعلي نور فيه حاجات لازم تتعرف ،، الوقاية وعلاج الديدان ده نظافة شخصية عشان هتقولوا عالجناها مليون مرّة و الديدان مرحتش او خفّت ورجعت تاني ، اعمل ايه يا دكتور ??!!! 👁👁

◀ الواد ابنك ميكونش طول اليوم سارح ورا القطط🐈🐱 والكلاب🐕🐶 وتقوليلي الديدان مش بتخف ليه ليه!!! انسي

◀ ميكونش ابنك طول اليوم عمّال يلعب فالتراب والطينة برّة فالشارع وتقوليلي الديدان مش بتخف ليه!!! انسي

◀ ميكونش ابنك عمّال يلعب بالكلب🐕🐶🐶 اللي فوق السطح عندك وتقوليلي الديدان مش بتخف ليه!!!انسي

◀ ميكونش ابنك ضوافره طويله ومليانة وسخ وتقوليلي الديدان مش بتخف ليه ليه!!! انسي

◀ متبقيش انتي وجوزك وولادك مقضينها اكل من برة🍔🍟🍕🍠 وكشري وكبدة وفول🍔 وطعمية وتقوليلي الديدان مش بتخف ليه!!!! انسي

◀ متبقيش انتي وولادك بتكلو الخُضار🍐🍏🍋🍎🍅 والفاكهة من غير غسيل وتقوليلي الديدان مش بتخف ليه!!! انسي

◀ مش معلّمة ولادك يغسلُو 🚿🚿 اديهم قبل الاكل، وبعد الدخول للبيت من برّه ، وبعد الحمّام وتقوليلي الديدان مش يتروح ليه!!! انسي

◀ متكونوش بتاكله من طبق واحد🛁🛁🛁 طول الوقت وتقوليلي الديدان مش بتروح ليه!!!! انسي (لازم كل طفل طبق لوحده).

◀ متكونيش مهملة ومش مهتمة بنظافة الواد والبنت كل يوم صباحاً ومش بتقلّعيهم الاندرز 👙👙👙 يومياّ صباحاّ وتقوليلي الديدان مش بتروح ليه!!! انسي (لازم تغيير الملابس الداخلية صباحاًّ والتشطيف ورا وقُدّام كل يوم صباحاً).

 متكونيش بتسيبي الملايات بتاعت السرير ومش بتغيريها كل يوم وتقوليلي الديدان مش بتروح ليه!!! انسي (لازم تغيريها علطول وتهوي الأوضه وتغسلي الملابس بميه سُخنة).

◀ متكونيش عمّالة تُنشري الملابس عالمنشر فالبيت ومش بتنشريها فالشمس ومستنّية الديدان تروووح!!!!

◀ متكونيش بتغسلي اديكي🚿🚿🚿 قبل متعملي الأكل لولادك وتقوليلي الديدان مش بتروح لسه!!!! انسي.

🍑 من الآخر الوقاية هيّ النظافة الشخصية ونظافة الملبس والمشرب والمأكل 🍑

🌈🌈🌈 العلااااااااااااااج 🌈🌈🌈

🌤🌤 الأدوية كتير ، بس عشان متتلخبطيش خليكي في اسم دوا واحد تحفظيه 🌤🌤 

(((الزنتال ، فلوفيرمال ، انتيزول، فلوفير ، فيرميذول ، بنداكس)))

فيرميزول شراب للأطفال 10 سم يومياً عالريق 3 ايام وتكرر كما اسبوعين.

 الزنتال اقراص للكبار 2 قرص عالريق يومياً 3 ايام.

 الديدان أعداد كبيرة مش هتموت ولا تنتهي من اول مرة علااااج لازم مرة واتنين وممكن الدكتور يوصفها كذا مرة عااااادي متقلقيش.

مضاد للحساسيه علشان الهرش زي (زيرتك او هيستازين).

حاجات موضعية علي فتحة الشرج لتقليل الهرش زي مراهم للحكة