Translate
ترجمةالسعاده
العقيده
لازم تكون متاكد ومعندكش اى ذرة شك
أنه لا اله إلا الله وأن محمداً رسول الله صلى الله عليه وسلم وأن الجنة حق والنار حق والموت حق والبعث حق والحساب حق وتؤمن بالقدر خيره وشره وتؤمن بجميع الانبياء
الصلاه
لازم تصلى حتى لو اى فريضه فاتتك لازم تصليها
عشان لما تموت الملائكه ال هتحاسبك لو لقوا اعمالك فيها انك كنت بتصلى يبقا كده هيكملوا حسابك فى باقى اعمالك بمعنى اصح كده انت بقيت من المرشحين لدخول الجنه
ولو لقوا أن اعمالك مفيهاش صلاه يبقا كده مش بيكملوا حساب لأن الصلاه عماد الدين وهى الأساس
الدعاء
ادعى ربنا حتى فى اى حاجه انت شايف انها سهله أو صعبه أو مستحيله
ولازم كل يوم تدعى ربنا ولو ٥ دقائق
عشان الدعاء ده مخ العباده
لازم لازم لازم الدعاء كل يوم وهتاخد عليه ثواب كمان
وكمان دعائك يا اما هيستجاب
يا اما ربنا هيدخر اجره للاخره ويديك البديل
يا اما هيمنع عنك شر كان هيجيلك
عشان الناس ال بتقول بقالى كتير بدعى وربنا مش بيستجيب
حسن الظن بالله
دايما خلى عندك حسن ظن بالله فى كل حاجه
غلطت وعملت ذنب استغفر وخلى ظنك بربنا أنه هيغفرلك
نفسك فى حاجه بتتمناها خلى ظنك بربنا أنه هيحقق أمنيتك مع الدعاء والإلحاح
اوعى تنسب اى خير أو فضل ربنا فضلك بيه لنفسك
قول هذا من فضل ربى
هتاخد اجر وثواب وكمان ربنا يزيدك من فضله
لكن لو نسبت الفضل ده لنفسك
هتزول النعم والفضل ولا تلومن الا نفسك
لا تنظر للآخرين باحتقار مهما كانت ذنوبهم وتطاولهم
حتى لو لقيت حد مات على معصية
ادعى ربنا يرحمه ويغفر له
اوعى تقول ده هيدخل النار أو جهنم أو خلافه
عشان دى من محبطات الأعمال
لو لقيت واحده او واحد ماشيه متبرجه أو خلافه
ادعى ربنا يهديها واوعى تقول لفظ وحش دى من محبطات الأعمال
لو عرفت تقدم نصيحه بطريقه مهذبه يبقا تمام والا بلاش
الدين مش تعصب
الاقباط
الرسول وصانا بحسن معاملتهم
وقال
ستفتح عليكم مصر من بعدى فاستوصوا بأهلها خيرا فإن لهم ذمة ورحما
يعنى مينفعش تزعلهم
الدين المعامله
اولا من حيث الرزق دايما حاول تدور وتسعى انك تكون افضل ولكن بشرط انك دايما تكون فاكر وعارف ومتأكد أن فيه ناس اقل منك بكتير وان الرزق مش فلوس وبس
الرزق صحه وانت صحتك افضل من ناس كتير حتى لو انت عندك حاجه تعباك
الاولاد رزق وشوف ناس كتير جدا بتتمنى يكون عندها اولاد
التوفيق رزق وشوف ربنا وفقك فى حاجات كتير وهتلاقى نفسك افضل من ناس كتير جدا وده كله بفضل الله اوعى تنسى نفسك وتقول ده بمجهودى
الذكاء ال عندك ده مش بمحهودك ده فضل من ربنا ورزق ليك احمد ربنا عليه عشان يزيدك
طاعة ربنا دى رزق ليك احمد ربنا على كده كتير جدا
انك طلعت لقيت نفسك مسلم دى نعمه كبيره جدا ادعى ربنا يثبتك
راحة البال رزق ادعى ربنا يحفظ كل النعم التي لا تعد ولا تحصى
يبقا باختصار دايما تسعى للأفضل ولكن بشرط تكون متاكد انك افضل بكتير من ناس أفقر منك وافضل من ناس معندهاش بيت وافضل من ناس عندها امراض وتعبانه وفى المستشفيات وافضل من ناس معندهاش اولاد ولو انت تعبان يبقا خير ليك يا اما تكفير ذنوب يا اما رفع درجات ولو معندكش اولاد ادعى ربنا وخد بالاسباب
ولو لسه متجوزوش ادعوا ربنا دايما بالدعاء ده
رب انى لما انزلت الى من خير فقير
وكتير اتجوزوا واطلقوا وحصلت بينهم مشاكل كتير جدا
يعنى هتلاقوا مثلا واحد عنده فلوس كتير جدا وصحه كويسه بس معندوش اولاد
ومثلا تلاقوا واحد فقير وصحته كويسه جدا وعنده اولاد وربنا مبارك فيهم وتلاقيه عنده راحة بال كبيره جدا
يعنى خلوا تفكيركم أوسع شويه وفكر فى أن منع ربنا فيه خير كبير ليك
ثانيا التعامل مع البشر
لازم يكون عندك فقه فى التعامل مع البشر
بمعنى انك تقدر تخلى ال ادامك يقتنع انك شخصية محترمه ومريحه ومقنعه بدون متيجى على كرامتك
امتصاص غضب ال ادامك وتهدئة المواقف واحتوائها
فى قرارة نفسك من الداخل متصدقش حد ومتكدبش حد
وريح ال ادامك واخلص طالما ان الموضوع مفيهوش ضياع حقوق أو حرام
حاول بقدر المستطاع تكون قليل الكلام
وتكون مستمع جيد
الهزار الكتير غلط
الهزار بادب
التنمر غلط
ثالثا الناس ال بتشوفها هاى لايف
دول عندهم مشاكل كتير جدا يعنى متبصش للعربيات والفلوس ال معاهم
لو شفت حاجه عجبتك لازم تقول ماشاء الله تبارك الله
رابعا لو فيه اى حاجه مزعلاك أو مشكله او ابتلاءعندك
قول انا لله وانا اليه راجعون
هتاخد اجر وثواب كبير جدا على كده
ادعى ربنا يرشدك لحلها عشان مش هتتحل الا بتوفيق ربنا
وقول الحمد لله على كل حال هتلاقى ربنا رفع البلاء وحل كل مشاكلك
لكن لو سخطت يبقا متلومش غير نفسك عشان هتلاقى نفسك المشكله أو البلاء زاد وكمان هيبقا أتكتب عليك وزر وذنوب كتير بسبب سخطك وغضبك على قضاء ربنا
وفى كل الحالات استغفر ربنا
كثرة التفكير
ال عايزه ربنا هيكون
بمعنى اصح مفيش داعى تعمل اكتر من الأخذ بالاسباب وسيب كله على الله عشان هتفكر كتير وتتعب نفسك ومش هيحصل غير إرادة ربنا
خد بالاسباب وبس
الزواج
بلاش تتجملوا على بعض قبل الجواز وكل واحد يتعامل بطبيعته وانت لو حجمك نص مثلا قول انك أقل من النص
بلاش تقول اكبر يا اما تقول حجمك الحقيقى يا اما أقل وبعد كده الطرف التانى هيكتشف انك افضل من ال انت قولت عليه هيفرح وهتبقا فى نظره حاجه كبيره
لكن العكس هو ده سبب معظم حالات الطلاق والمشاكل الكتير ال بنسوفها
الجماع
ده موضوع محتاج شوية مداعبه وضحك اولا ولازم تقولوا الدعاء ده
اللهم جنبنا الشيطان وجنب الشيطان مارزقتنا
وانت كراجل خليك حريص أن زوجتك ترتاح قبلك لازم لازم لازم تعفها
الضرب والسب
مش هيحلوا مشاكل وممكن الموضوع يتطور غصب عنك فبلاش
الرجوله مش صوت عالى وضرب وقلة ادب
زوجك بيتعب فى الشغل حاولى بقدر المستطاع
تعامليه كويس وتهدئة الجو فى البيت ومتحمليش زوجك مالايطيق
ال معرفتش تصلحه النهارده ممكن يتأجل مش لازم تعمل مشكله
اسال الله العلى القدير أن يسعدنا وإياكم جميعا ف
ى الدنيا والآخرة وان يحفظنا من كل سوء ومكروه وأن يحسن ختامنا جميعا اللهم امين يارب العالمين
ليست هناك تعليقات