Translate
البوست التاريخى الاهم لازم تشوفوه هيفرق معاكم جدا
البوست بيتكلم عن مواضيع مهمه جدا للستات والرجاله والبنات والشباب
عن الشراء اونلاين
عن الزواج والتعارف اونلاين
عن مشاكل العمل
عن العلاج النفسي
عن الدجل والشعوذة
عن النصب والاحتيال
عن الابتزاز والتحرش
عن الاختراق والتهكير وسحب الاكونت
عن التسويق الالكتروني وطرق تفادى النصب وتضييع المجهود
عن التداول سواء كان تداول افتراضي أو عملات رقميه مشفره
عن الخصوصية ومعرفة حدود حق الغير لعدم التطفل على الخصوصية
عن مصادر المعلومات الموثقة بدون اكاذيب
لماتحب تشترى حاجه اونلاين لازم تشوف الحاجه ال انت هتشتريها فيديو كويس جدا واوعى تشترى حاجه لمجرد أن الصور عجبتك عشان المنتج مش بيكون بنفس جودة الصور ولا الخامه ولا اللون وتأكد اوى على ال هتشترى منه انك لازم تعاين المنتج قبل الاستلام واوعى تاخد حاجه اونلاين من غير ما يكون فيه معاينه الاوردر قبل الاستلام
لو حد عايز يتقدملك اتعرفتى عليه من خلال الإنترنت
اوعى تبعتيله صور او فيديو أو خلافه
خليه يشوفك وتشوفيه عن طريق أنه يجى اقرب سوبر ماركت مثلا يشترى اى حاجه منه وانتى طبعا هتكونى عارفه الوقت ده وياخد الحاجه ويمشى وبكده تكونوا شوفتوا بعض ولو فيه قبول يبقا تاخدوا شوية وقت كل واحد يسأل عن التانى كويس ولو تمام يبقا يتقدم رسمى
غير كده كله غلط
لو بعتى
صور لواحد مش كويس هيذلك ويبتزك بيها ويفضحك بيها وممكن يركب صور عاريه على وشك وتبقى حاجه تريند الموسم وناس كتير بتصدق اى حاجه
يبقا بلاش تدمرى نفسك
مشاكل العمل
فى اى مكان شغل هتلاقى فيه المحترم وهتلاقى برده قليل الاحترام وهتلاقى العصفوره
وهتلاقى الوصولى وهتلاقى الغلبان وخلافه
يبقا مفيش مكان كله محترمين ومفيش مكان كله مش محترمين
يبقا لازم تتعلم فقه التعامل مع البشر وازاى تعمل شغلك بدون محد يغلطك أو يمسك عليك واحده وده ازاى
اهم حاجه حاول بقدر المستطاع تخليك قليل الكلام جدا
لان كتر الكلام دايما بيخليك تغلط من غير ما تحس
حاول تسيطر على انفعالاتك وغضبك قدر المستطاع مهما حصل ومتخليش حد يعرف يستفذك ويطلع ال جواك
الشخصيه القويه هى انك تقدر تسيطر على نفسك وانفعالاتك وغضبك مش تعلى صوتك وتعمل فيها شبح
كل شخصيه هتقابلها فى حياتك سواء كان كبير او صغير متعلم أو جاهل خليه ياخد انطباع عنك انك واحد وسطى
بمعنى انك مش سهل ومش صعب
عشان الوسطية والاعتدال في كل حاجه هو الافضل على الاطلاق
الثقافه والشهادات
الثقافه ملهاش علاقه بالشهادة الجامعيه اطلاقا
وكتير شوفنا وبنقابل مثلا حاصل على الدكتوراه والماجستير فى مجال معين ولكنه لا يفقه شئ فى التعامل مع البشر اطلاقا ولا يفقه شئ فى اى مجال آخر اطلاقا
وممكن يكون محترم جدا وده يبقا عالم فى مجاله وليه كل الاحترام والتقدير طبعا لكنه غير مثقف
وتلاقى واحد شهادة جامعية برده قليل الاحترام
يبقا الثقافه العامه مرتبطه بعدة عوامل كتير جدا
الاخلاق اولا
والتعامل مع البشر
ويكون مثقف فى عدة مجالات
وتكون معلومات صحيحة من مصادر علميه موثقه
العلاج النفسي أو الطب النفسى
وهو يعتبر من أصعب التخصصات الطبية على الاطلاق
وده بسبب أن أغلب التشخيصات بتعتمد على الاستماع الجيد للمريض وده طبعا ممكن دكتور يشخص الحاله صح والتانى يشخصها غلط
يبقا لازم تتأكد كويس جدا من طبيبك النفسى
وبلاش العلاج اونلاين عشان النصب والاحتيال
الصلاه فى وقتها والدعاء والتضرع إلى الله هو العلاج النفسي
الابتزاز والتحرش
لو فيه حد بيبتزك جنسيا أو ماديا أو خلافه
دلوقتى وزارة الداخلية بتهتم جدا بالقضايا دى
اعملى محضر رسمى فى مباحث الانترنت لو الابتزاز عن طريق الفيسبوك
ومحضر فى مباحث التليفونات لو عن طريق الواتس أو sms الرسائل العاديه
والأحكام دلوقتى بقت صعبه جدا يعنى ال عامل فيها شبح وبيبتزك هيقول ياريتنى
النصب والاحتيال
متديش فلوسك لحد يشغلهالك وحاول تشغل فلوسك بنفسك
ومتصدقش اى كلام حلو يتقال عشان كل الناس بتتكلم حلو اوى
واما تحب تعمل مشروع متقارنش نفسك بحد عشان دى ارزاق ومقسمها الخلاق العظيم ربنا سبحانه وتعالى
ورزقك مش زى غيرك
واعقلها وتوكل وخد بالاسباب الصحيحه وقول يارب لكن هتقعد تحسبها وانا هكسب كام وهخسر كام دى مش بتاعت بشر وخلى ظنك بربنا دايما كويس وانك هتكسب بس المهم يكون نشاط المشروع بتاعك حلال مش حرام
والحلال بين والحرام بين
الاختراق والتهكير
حاول بقدر المستطاع تخلى بيانات الدخول ال هو user name and password
معاك انت بس ومتعملش حفظ ليهم على اى جهاز
عشان ممكن اعرف اليوزر بس وبعد كده اعرف الباسورد عن طريق التخمين أو الصدفه
ده غير ان ممكن يتم اختراق جهازك بالكامل عن طريق بعد الثغرات ال معظم الناس بتعتبرها عادى جدا
الروابط ال بتلاقيها على اى بوست عشان تعرف الرابط سليم ولا ملغم بص على الحروف ال على الرابط مثلا امتداد الرابط ايه
https://m3rfa00.blogspot.com/2022/06/blog-post_69.html?m=1
زى ده مثلا يبقا آمن ومفيش منه مشكله وهتضغط عليه عيفتح معاك صفحه عاديه عل خبر معين
أما لو ضغط على الرابط وعمل معاك نوافذ منبثقه كتير ووقف ولقيت مثلا ٥ صفحات فتحوا معاك ده برده عادى مجرد اعلانات صاحب الموقع عملها اضافه عشان يكسب فلوس
أما بقا لو لقيت الرابط بعد الضغط عليه غير مستقر على حاله يبقا اقفل الصفحات وابعد
برامج كتير بنستخدمها بتطلب منك صلاحية الوصول للميكرفون والصور وخلافه خلى تعاملك معاها بحذر شديد عشان بيسمعك انت بتقول ايه والصور ال على جهازك بالكامل واى فيديو وانت وافقت على كده وانت بتثبت البرنامج على جهازك
بعد مسح الصور من على تليفون أو جهاز ممكن ارجعهالك تانى كلها باستخدام بعض البرامج وممكن يكون فيها صور خاصه جدا للسيدات أو الرجال
وده عشان ما يحصلش معانا بنعمل ايه
بعد أما تمسح الصور كلها خد صور عاديه للبحر مثلا او الأرض أو أى مبنى غير حكومى طبعا عشان ممنوع المهم املا ذاكرة الهاتف بصور جديده لاى حاجه غير خاصه وبعدين اعمل فورمات للجهاز
السحر والدجل والشعوذه
قال رسول الله صلى الله عليه وسلم
من أتى كاهنا أو منجما فصدقه بما يقول فقد كفر بما أنزل على محمد
صدق رسول الله صلى الله عليه وسلم
بعض المجموعات على فيسبوك ناس بتطلب جلب الحبيب وده شرك بالله
والبعض الآخر بيطلب كشف عن طريق صوره الكف أو الوجه وده شرك بالله
والبعض الآخر بيقرأ الفنجان أو الطالع وده شرك بالله
والبعض بيطلب حل خلافات مع زوجته أو العكس وده شرك اى شئ بتطلب تدخل الجن فيه فهو شرك بالله
بسم الله الرحمن الرحيم
وانا كان رجال من الانس يعوذون برجال من الجن فزادوهم رهقا
صدق الله العظيم
بسم الله الرحمن الرحيم
فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ ۖ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ
صدق الله العظيم
مفيش حد يعرف الغيب غير ربنا بس
والدليل فى الايه القرآنية
اعملوا مشاركه للبوست عشان غيركم يستفيد واعملوا متابعه لصفحتنا عشان يوصلكم كل جديد
https://www.facebook.com/profile.php?id=100086069528267
ليست هناك تعليقات