مهم جدا لعدم التعرض للنصب او السرقه او الاغتصاب وخلافه من جرايم متعدده

Translate

Select Languageاختيار اللغهالآيسلنديةالأذريةالأرديةالأرمنيةالأساميةالإسبانيةالإسبرانتوالإستونيةالأفريقانيةالألبانيةالألمانيةالأمهريةالإنجليزيةالإندونيسيةالأوديا (الأوريا)الأوروميةالأوزبكيةالأوكرانيةالأويغوريةالأيرلنديةالإيطاليةالإيغبوالإيلوكانوالأيماراالإيويالباسكيةالباشتويةالبامباراالبرتغاليةالبلغاريةالبنجابيةالبنغاليةالبوجبوريةالبورميةالبوسنيةالبولنديةالبيلاروسيةالتاميليةالتايلانديةالتتاريةالتركمانيةالتركيةالتسونغاالتشيكيةالتيغرينيةالتيلوغويةالجاليكيةالجاويةالجورانيةالجورجيةالخميريةالخوساالدانمركيةالدوغريةالديفهيةالروسيةالرومانيةالزولوالساموانيةالساندينيزيةالسبيديةالسلوفاكيةالسلوفينيةالسنديةالسنسكريتيةالسنهاليةالسواحيليةالسويديةالسيبيوانيةالسيسوتوالشوناالصربيةالصوماليةالصينية (التقليدية)الصينية (المبسطة)الطاجيكيةالعبريةالغوجاراتيةالغيلية الأسكتلنديةالفارسيةالفرنسيةالفريزيةالفلبينيةالفنلنديةالفيتناميةالقطلونيةالقيرغيزيةالكازاخيةالكردية (السورانية)الكردية (الكرمانجية)الكرواتيةالكناديةالكورسيكيةالكوريةالكونكانيةالكيتشواالكينياروانديةاللاتفيةاللاتينيةاللاوواللغة الكريولية الهايتيةاللوغنديةاللوكسمبورغيةالليتوانيةاللينغالاالماراثيةالمالايالاميةالمالطيّةالماوريةالمايثيليةالمدغشقريةالمقدونيةالملايوالمنغوليةالميتية (المانيبورية)الميزوالنرويجيةالنيباليةالهمونجيةالهنديةالهنغاريةالهوساالهولنديةالويلزيةاليابانيةاليوربايةاليونانيةالييديةتشيتشواتويكريولغة هاواي

تدعمه ترجمة

 ممنوع تفتحى باب بيتك او شقتك لحد متعرفوش معرفه حقيقيه

لو حد قالك انا موظف او محصل شركة الكهرباء او الميه او اى شركه اطلبى منه اثبات شخصيه وكارنيه الشغل وده تشوفيه من خلال العدسه بتاعت الباب قبل اما تفتحى

لو حد قالك احنا شرطه وجايين نفتش اطلبى منهم تحقيق الشخصيه والكارنيهات ومن خلال العدسه ولو لسه عندك شك انهم منتحلين صفة رجال المباحث او الشرطه اطلب النجده من خلال الرقم ده 122  وقولهم فيه ناس بتدعى انهم شرطه واقفين على الباب وانا شاكه انهم منتحلين صفة رجال الشرطه وهتلاقى النجده جاتلك ولو ال قالولك احنا شرطه سمعوك بتكلم النجده لو هما فعلا شرطه حقيقى هيستنوا ولو منتحلين صفه  هيهربوا 

الكاميرات ليها دور كويس جدا ولكن ايضا ليها مخاطر يبقا نركب كاميرات مع مراعاة تجنب المخااطر

فيه شباب غير متزن نفسيا بمجرد اما تضحكى معاه هيفتكر انك سهله وعايزه منه جنس او مش هتمانعى لو طلبك لكده

فبلاش تتعاملى مع  كل الشباب الا بحدود 

فى المواصلات والتحرش

زحمة المواصلات هتلاقى نفسك غصب عنك فيه تلامس للاخرين خلى بالك من التحرش ومن التلامس الغير مقصود

لازم تعرفى تفرقى بين التحرش المقصود والتلامس الغير مقصود

هتلاقى المتحرش يا اما بيديكى اشارات بعنيه او بايديه او بلمسات معينه وده عشان يشوفك هتحبى كده  وتستمتعى ولا لا

هتلاقى منه بيكرر نفس اللمسات اكتر من مره وهيزيد لو لقاكى ساكته

اما  التلامس الغير مقصود  

هتلاقى الشخص ده حريص  على انه ميحصلش تلامس ولو حصل غصب عنه هيتاسف ده اعذريه غصب عنه  

سرقة السيارات

لو عندك عربيه دلوقتى بقا فيه طرق حديثه للسرقه زى مثلا انت عايز تشترى حاجه من اى سوبر ماركت

بيجى واحد ماشى جنب العربيه وبيشد المقبض بتاع الباب نص شده وبيحط منديل صغير وغالبا بيكون فى الابواب الخلفيه بحيث اما تيجى تقفل اللوك يديك اشاره انه قفل وتمام لكن هو لسه مقفلش وبكده تكون سرقة العربيه سهله جدا

وفيه طريقه تانيه وهى بيجيبوا علبتين كانز فاضيين  ويربطهم باسفل السياره وتيجى انت تشغل العربيه وتمشى تسمع صوت مش طبيعى فى العربيه وبالتالى تنزل تشوف فيه ايه وهنا بيكونوا متابعينك وماشيين وراك  اما بعربيه او موتوسيكل او خلافه وانت بتشوف ايه سبب الصوت ده بيركبوا العربيه ويهربوا

الخطف 

وانت او وانتى ماشيه فى الشارع ومعاكى اولادك خلى  ايديهم فى ايدك باستمرار وده عشان ال بيخطفوا عارفين ان الموضوع بقا منتشر ومعروف بنسبه كبيره ولكن هما برده لازم يخطفوا وهنا بيستنوا منك انك تسيب ايد طفلك او تبعد عنه مسافة مترين تلاته وبعربيه او توكتوك وهما راكبين فى لحظه بيخطفوا الطفل ويهربوا 

العقاقير المخدره

خلى بالكم شباب وبنات دلوقتى بقا فيه عقاقير مخدره غير معروفه منها على هيئة اقراص او نقط او اسبراى اولبان وشيكولاته  

اتعاملوا بحذر مع اى حد متعرفوش معرفه كويسه وممنوع تشرب اى حاجه مش عارفه او تاخدها من حد متعرفوش

العقاقير التى تزيد من الشهوه الجنسيه 

دلوقتى فيه انواع كتير جدا بتسبب هياج شديد للشهوه وخصوصا البنات والسيدات ومن المفترض ان تستخدم هذه العقاقير او الادويه للمتزوجين فقط ومن لديهم ضعف او عدم رغبه فى ممارسة العلاقه ولكن بعض ضعاف النفوس استخدموها لاغراض تانيه منها 

انه بيسهل لنفسه الحصول على بنت او سيده عن طريق وضع جزء بسيط من هذه العقاقير او الاويه يضع نقطه او اكثر فى العصير او القهوه او اى مشروب وايضا من انواع العقاقير على شكل  لبان وشيكولاته وخلافه المهم الغرض من هذه الادويه تهييج شديد لشهوة السيدات والبنات حتى لا تستيع السيطره على نفسها وبالتالى اصبحت فريسه سهله جدا

محلات الملابس

خلى باللك من مكان تغيير الملابس وانتى بتشوفى مقاسك فيه بعض الناس حاطين كاميرات صغيره جدا بتصورك وانتى بتقيسى الملابس وده مش شرط انه بيصورك عشان يبتزك بالمال او ابتزاز جنسى ممكن يستخدم صورك على مواقع التواصل لاغراض تانيه 

الدجالين

محترفين وبشده فى خداع الضحيه معظمهم بيستخدموا الجن والقرين وبيعرف بعض المعلومات من قرينك وبيقولك على بعض المعلومات وانت تستغرب ازاى عرف كل ده عنى يبقا الراجل ده ولى وقريب من ربنا ده للاسف معظم الناس بتقع فى شباك الدجالين وهدف الدجال اما الحصول على المال او الجنس او غرض شخصى اخر او ايذاء شخص ما او الشهره او تدريس علوم السحر للاخرين وهذا شرك بالله نعوذ بالله من ذلك 

بنات وسيدات الدعاره والملاهى الليليه

كتير من الشباب  بيقع فى فخ بنات السوشيال ميديا 

بيلاقى بروفيل او صفحة بنت وصور مغريه ليها وبتكون كاتبه رقم تليفون للتواصل وبعد اما تتصل بيها تلاقيها تطلب منك يا اما كروت شحن وده فى الغالب ويا اما بتطلب منك تقلع كل الملابس وبتطلب منك علاقه محرمه عن طريق مكالمة فيديو وهنا انت كده اتسجلك فيديو وانت قالع هدومك وفى اى وقت انت بقيت معرض للابتزاز المادى والجنسى ومعرض ان يفتضح امرك على مواقع التواصل الاجتماعى عن طريق نشر الفيديو العارى الذى تم تصويره 

فى الغالب بيكونوا اصحاب هذه الصفحات شباب منتحلين صفة بنات وبيستخدموا برامج فيك كاميرا لخداع الضحيه 

وفيه بيكونوا بنات فعلا وبيستغلوك ماديا وجنسيا وكتير احداث من هذا القبييل

منهم بيطلبوا منك مفابله عن طريق الذهاب الى مكانها او انها تاتى الى مكانك

بيكونوا مجهزين فخ ليك اول اما توصل المكان او اثناء ممارسة العلاقه بتلاقى مجموعة شباب داخلين عليك وانت فى وضع مخل وبيمضوك على ايصالات امانه وبياخدوا منك فلوسك وبيصوروك طبعا وانت قالع تماما 

وفى اى وقت بيتم ابتزازك  ماديا وجنسيا  

ولو هى ال هتجيلك مكانك بيحصل نفس السيناريو مع اختلاف بعض الادوار 

ده خلاف انه حرام شرعا وزنا نعوذ بالله من ذلك

نسال الله العفو والعافيه لنا ولكم جميعا فى الدنيا والاخره